(( ليه هان عليكى )) بقلم الشاعر الغنائى .. محمد البريمى ...

 شعر غنائى ..

(( ليه هان عليكى ))

ليه هان عليكى .. تبيعى حبى بالرخيص ..

راح فين حبك ليا .. راحت فين الإحاسيس ..

بعد اللى عملته معاكى .. بعد سنين حب ف هواكى ..

عايزانى أبعد و أنساكى .. و أطلع زيك خسيس

ليه هان عليكى ..

عشان حبيتك بزياده .. إدلعتى كده ع الآخر ..

و نسيتى وعودك ليا .. إنت ع البال و الخاطر

إنت الغالى ياعنيا.. و إنت كل ماليا

و بعد كده غدر و أسيه .. و عذاب كمان مالوش آخر ..

ليه هان عليكى ..

أنا معاكى للنهايه .. لما أشوف حكايتك إيه ..

و هأدارى على جرحى .. مش هأعاتبك فيه ..

أنا هأسيبك للأيام .. و هيا تفكرك ..

و إن فكرتى ترجعيلى .. هأسامحك و أعذرك ..

ليه هان عليكى ..

بقلم الشاعر الغنائى ..

محمد البريمى ...