شعب واحد
ـــــــــــــــــــــــ د. صالح العطوان الحيالي -العراق- 28-ايلول-2020
احنا شعب واحد ايد بايد
ما يفرقنا الغريب مهما كانت اوصافه
اكلنا بماعون واحد
وشربنا الشاي من قوري واحد
وكعدنا بديوان واحد
عاداتنا وتقاليدنا وحدة
من شمال البلد لجنوبه
ومن شرفه لغربه
عربي سني شيعي
كردي اربيلي سليماني دهوكي
تركماني ايزيدي
صابئي مسيحي
شبكي مهما كانت انواعه
كنا وما زلنا ايد بايد وحدة
ومرت بينا ضروف صعبه
وتعديناها بطيبتنا وصبرنا
غيمة صيف تعدي وتروح
ويهل الربيع باوصافه الحلوة
مدن بلدنا تحزن على حزن اخوتها
وتفرح على فرحها
بجت كربلاء بدموع دم
من اصابت الانبار وجعة
وتحس قلب النجف
انشمر بديالى
مشت الحلة تعزي اهل البصرة
على اللي صار بيها
وتسال بالم شلون الفاو عطشت اطفاله
وتسمع الديوانية
بصوت عالي تنادي
يا بغداد ليش دموعج هماله
طلع ابن السماوة زعلان
لان كرصة خبز ما عنده لعياله
ولمضيف الناصرية حولت تكريت
ولهور العمارة نزلت دهوك وجباله
واذا كركوك صاحت
حيهم اهل الزود
كل الكوت تفزع
بهمة رجاله
والموصل وكفت
تتغزل باربيل
يامحلى خصرج
وللنظر كتاله
ودبكة اربيل تفرح
أهل الموصل وانهارها
ومن صاح الجبل
هوى الحويزة ردله
كلنا اخوة نعيش
وناكل سوة وغيمة
وتعدي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.