*** أنا فين ***
بكتب كل يوم
الف حرف وحرف
وببعت مع النسيم
غنوه وببلغ للقمر
سلامات
وبفرد عالجناح شوقي
بيوصل لحد الشمس
وبغزل عقد طرفه
ف عروقي تلفلفي
بيه طوقك سبع لفات
علشان يعجبك زوقي
زينته بخمس نجمات
نجمه تبص في عيونك
وتوصفلك قد ايه شوقي
تضميني مابين الجفن
والنني ويبقى أجمل
كلام بينا كله سكات
ونجمه على الخدود تسرح
تفتح ورد في شروقي
وتفرش للامال مطرح
لاني تعبت في المتاهات
ونجمه شايله كام جمله
بتكتبها على جبينك
بحبر دمه ف عروقي
وترقيكي سبع مرات
ونجمه حالفه ماتفارقك
عشان ترويها بشفايفك
فتنور نورها في طريقي
اشرب كل يوم أكتر اسكر
مافوقش من السكرات
ونجمه نزله على صدرك
حالفه انها تصونك
تبدر شوقها على عودك
يخدني كلي وبشوقي
يفتح لي وفي حنانك ابات
انا وقف ومستني
منك رد كلمه و حرف
بقيت لكي الكل والأول
ولا لسه ف آخر الصف
للشاعر /صابر الشناوي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.