والله زمان وفاكرينها
أمي واخواتي والجيرانوكنا عيال ملازمينها
فى انتظار الصيجان
وريحة العجين تسبقنا
شايلين بنات مع صبيان
بنتسابق من فرحتنا
ونوديها عالأفران
دا بعد النقش والمكنة
وكل الشارع سهران
فى ليلة عيد بيباركنا
كل اللي ماشي ويدوق كمان
ولما نييجي يعطونا
بسكوت وقرص ومحوجة
عيلة واحدة بنتجمع
وكل الشارع فرحان
كنا اخوات هما واحنا
وعمر مافرقنا الزمان
وكان ياما كان
((((أسامه جديانه)))
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.