رب الجمال ربى
يا غصن زهرك نادالى......
وجمرك بخدك شكالى......
جرح بشوكه وحسنه............قلبى اللى طول عمره خالى..........
يا زهرة بين الروابى.......
قلبى دا عاشق صبابى.........
تهمس وتنده يا حابى...........موجك دا بلل كعابى................
يا ناسى سحر العيون ......
والكحل ضل الجفون.......
نادت بطرف المجون.............كاس الهوى والجنون...............
شاهد جمال البنفسج.........
لونه بيفرح ويبهج.........
لما تفتح عيونه..............و الطل ......لمّا بيسرج....
والفل تايه بلونه.......
عليه يلاعب غصونه........
ع الخد نامت جفونه...............والطل تبكى شئونه....
وآدى القرنفل يميلّه
وجمر خده يذلّه........
والنسمه تهمس تقولّه...........والنيل يجرى ف ضلّه....
والورد فوق الغصون .......
جماله يسبى العيون .......
لما تقرب تشمه............بشوكه يجرح يخون..........
والصبح هل سناه.......
صحّى المروج بضياه.....
شوف الجمال وبهاه........
والشمس تنّى كعوب............
نار الخدود بتدوب.......
ما بين شروق وغروب..........
شاهد جمال فتان................... بيزين كل مكان.......
فى كل شئ تلقاه.................. بديع صنع الله...........
رب الجمال ربى....................................
.............................................................................
شعر عامى عنائى.......تأليف السيد امين صالح ......الباجور ....
📷
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.