اوعدني تبطل تدخين
وكفايه شرب في نيكوتين
شوف اضرارها علي الرءتين
وصمام القلب بقي طين
بتدخن وتضر الناس
ولا فيه وعي ولا احساس
وتقول دي سيجاره وخلاص
ليه تولعها من الاساس
وصحتك طبعا في النازل
وتحس باعراض ومشاكل
والاغرب انك بتجادل
ولا في اراده ولا لتحاول
ماشي بتنفخ في سيجاره
اوعي تفكرها شطاره
يا خساره يا الف خساره
بكره هتندم بمراره
شوف في الشهر بتصرف كام
وفلوس طايره في اي كلام
بيتك اولي بجد حرام
تحيه مني ليكو سلام
كلمات
اشرف مفيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.