لما بتشك فيا
وجواك سوء النية
ليه عايز تكمل
إزاي عايز تكمل
أفعالك مش عادية
والنتيجه إتحمل
إتحمل إنت فعلك
وبلاش تطلب رجوعي
سيبني أنا لحياتي
ولو عاينت مماتي
بلاش تذكر خضوعي
ولا فى سيرتي تجمل
قول عني إني أناني
وكنت ظالم وجاني
ما خلاص الجسم فاني
وفى التراب يتحلل
لكن الفعل باقي
وبكره الجزاء تلاقي
شيل على جبينك وحمل
الشك بدون دليل
بينهي مشوار طويل
وبيهد حاجات كتير
بيها الدنيا بتتجمل
الشك بدون دليل
من طبع كل جاهل
الجهل فيه أصيل والعيب
عنده ساهل
عليك الله يسهل
من إبداعات
الشاعر
طه الروبى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.