ياريت يابكره تيجي
تغمض عيونك عني
ومنايا يادنيا تحني
ليه ناويه على ظلمي
بطلي تكيدي وتظني
وتبصي فى المرايا
أيه اللي فاضل مني
ماانا قلت مالبدايه
حقدك ليا شاغلني
ماتجيبي مالنهايه
اسألي عليا ورني
اطمني عليا
وكيدي فى اللي ظلمني
من كام سنه وزيادة
وانت بتنهشي فى عظامي
كل ماأقولك كفاية
بتزيدي فى ألمي
جرحك لي غاية
وصوت الأنين فى قلبي
فى طفولتي وصباية
لما اتبدلت ملامحي
وحطمت الأحلام جواية
طول عمرك شايلة مني
قوليلي ايه الحكاية
كل اللي بينك وبيني
كل يوم لك ذكرى معاية
كل يوم يمر من عمري
بيقربني للنهاية
لما كبرت مش راحمه سني
بتجريني وتجري وراية
(((أسامه جديانه)))
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.