دكتور
الحقني سنتي بتوجعني
مانمتش الليل كله
فضلت سهرانه للصبحية
وانا بحاول اتصل بنورعيني
يجيني يحط أيده على خدي
عشان سنتي ترتاح وتهدي
لكن ماجاش ولاسأل عني
++++++
ولا يهمك ياحلوة الحلوات
سنتك بتوجعك من السكر زيادة
وحلاوة القشطة من خدودك
والعسل اللي ساطع من عيونك
والنمورة والبسبوسة
المرسومة على شفايفك
+++++++
الله يادكتور انت حكيم
ولاشهريار زمانك
++++++++
عايزة تشفى سنتك
بطلي تدوبي في قلوب الناس
وتصهري المشاعر والاحساس
خففي شوية من حلاوتك
وبلاش تسحري الشبان
هاوصفلك روشتة فيها الشفا
تتجوزي قوام
هو ده دواكي
بالهنا والشفا
يانجمة النجمات
٢٥ سبتمبر٢٠٢٠
عارف البديوي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.