..صعب تنسيني ....
غاوي عشقك في ليلي
زمان وبعيدة عن عيني
وف كل ليلة عندك أنا
ف حكاويكي هتلاقيني
أنا تلاقيني ف حلمك
أنا كام دقة جوا قلبك
أنا ف خطاويكي جنبك
وجواكي قلب بيناديني
إنسيني بكره هيقابلنا
ف صورة كانت بيننا
كلمة ف جواب لما كنا
عينك بتيجي ف عيني
أنا غنوتك ساعة الفرح
أنا قلبك إللي مني إنجرح
أنا لحظة قلبك فيها سرح
تنسي نفسك ولا تنسيني
عارف إني ضيف في حلمك
وصورتي ليلاتي ف حضنك
بتنام معاكي هنا جنب قلبك
وتصحي تطلي ليها وتعاتبيني
أنا أول حكاية حب عشتيها
وآخر حكاية حب هتعيشيها
أنا ذكري ف كل وقت بتلاقيها
ولا يوم فارقت عينك عيني
مش غرور إحساسي بيكي
وده حبي لسة ف عينيكي
مدي لإيد قلبي إيديكي
أنا حبيبك وصعب تنسيني
..... أيمن بلال ....
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.