انا مصري
كتب/عادل ابوصيرة
*اللهم أنني أعيش في مصر،فاللهم ارحمني واعفوا عني.
*(لقد ماتت بجلطه وحسرة سببهاصدمه نفسيه)
- جاموستي لقيتهاميته صباحا،اخذتها للبيطري لمعرف سبب وفاه المرحومه وتفاجءت لما قاللي( الجاموسه ماتت بجلطة وبحسره نفسيه)
-مسكت راسها وكلمتها بحرقه مستغرباوصرخت (جالك جلطه ليه؟جالك جلطه ليه لاسمح الله؟)
*خريجه اعلام ومعكي ماجستير ومش لاقيه شغل؟
*خريجه تجاره انجليزى وواقفه فى سوق الخضار؟
*خريجه أداب وبتسوقي تاكسى؟
*خريجه حقوق وبتشتغلي نجار؟
*خريجه زراعه وجالك تعيين فى الطرق والكبارى؟
*جمعتي كل اللى تملكيه وأعطيته لإبنك لكى يسافر أوروبا وغرق على شواطئ اليونان؟
*مديونه ومش عارفه تسددي ديونك؟
*بتستنى دورك فى التعيين بقالك ٣٥ سنه؟
*اشتغلتي وجالك تعيين بعيد جدا عن بيتك واتغربتي فى بلدك ؟
😧كان حظك إن اشتغلتي فالصحافه ؟
ومش قادرة تشتري ملابس لأولادك؟
مش لاقيه شقه تتاويكي؟لانك شريفه
-سنك كبر وعايزه تجوزي ولادك ومش لاقيه شغل ولا شقة تجوزيهم فيها؟
( جالك جلطه ليه؟ ليه ليه؟. )
*واخذة قرض ومتورطه في السداد ؟
*جتلك فاتورة كهرباء وما قدرتيش تسددي ففصلوا عنك الكهرباء؟وشالوا العدادات!!!
*حاسه انك غريبه في بلدك؟
*الدنيا ملخبطه حولك ومخك بطل يجمع من كثرةالقوانين الجائرة واللي لامعقوله؟
*رفع الاسعارالمتتالي والغيرمبرر مش عاجبك ؟
*شاعره وحسه ان مقدرات و ثروات بلدك مش ليكي خالص مالص رغم مافيها من خير كتيييير ومش مستفيده منها ؟
( جالك جلطه ليه؟ ليه؟ )
**من حكومتك وحكامك ولامن نوابك ونيباتك وﻻ اﻻعلام الفاسدالضال المضل ؟
( جالك جلطه ليه؟ليه؟. )
*ع المعاش ومعاشك مش مكفي اجار بيتك؟
*جالك فشل كلوى وكبدي من المياه الملوثه ورحتي تغسلي قالولك ما فيش مكان انتظري إما حديسلم نمرة لملك الموت!!
( جالك جلطه ليه؟ليه؟. )
*الدولار هتك عرض الجنيه ونيمه نومه العازب؟
*نفسك فى السمك والكيلو وصل 60جنيه؟روحتي تشترى لحمه لقيتيهاب140 جنيه؟
*روحتي تشترى أرز ولقيت الكيلو ب ٩جنيه؟
روحتي تجيبي التموين وقالولك ما فيش إلا جبنه صراصيرى مكعبلات؟
*مش عارفه تشترى كيلو فاكهة لاولادك؟
(.جالك جلطه ليه؟ليه؟ )
*جالك فاتورة غاز ب٢٠٠جنيه؟*جالك فاتورة مياه ب١٥٠جنيه؟*جالك فاتورة
كهرباء ب ٣٠٠ جنيه ؟*نفسك وأولادك فى التين والمانجه ومش قادره
تشتريها؟*المشمش نزل السوق وخلص وانتي ما سمعتيش عنه؟
( جالك جلطه ليه؟ليه؟. )
*قرايبك معكننين عليكي؟
*إخواتكاللي وراكي بشارعين لا يزوروكي؟
*اقرب الناس ليكي باعوكي ؟
( جالك جلطه ليه؟جالك جلطه ليه؟. )
**عايزه تقولى لي انكي بتحسي وتشعري عني؟ روحي الله يرحمك....ويسامحك....!!!
..حسوا بينا يحس بكم ربنا!!!
....حسوا بينا يرحمكم ربنا!!
.....حسوا بينا هيسالكم ربنا وربنا!
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.