عمر جميل
قلم منحرف وحمر القطيع
..................................
وكأننا من غير زعل
والكل وائف بانتظام
صفوف وراها كمان صفوف
بغباء بنمشي باحترام
بنبيع حاجات اومحتاجات
نكتب ونحشي كلام كلام
أشعار تلائى أدب تلائى
ونغنى صح من غير ألات
وكله أه حسب الطلب
وف كيس نعبى اوام أوام
أشعار ياست ادب يابيه
ولا انت إيه ملكش فيه
ونبيع ونخدع ف العوام
او حتى ناس طافحين علام
ما العقل واحد و دا النظام
وإيدين تسقف تديك تمام
تسلم إيديك عاش الهمام
لو قلت لا دا كلام وفارغ
تسمع كلام ابسطها جارح
طب عشق إيه وغرام لإيه
والحال بتبكى العين عليه
وكأننا في سوق للغباء
والكل يجرى عليه سباء
وعدو راح يحدفنا فيه
احتارت صح أكتب ف إيه
هلس وغرام عشق وهيام
ولا ابتدى ف طريق جديد
لو حتى هبنى سور حديد
أبنى القيم والاقى نفسي
ولا اعتزل وابعد بعيد
اسمع جواب قل ما تريد
...................................
تحياتى...بقلم عمر جميل
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.