الى كل ابنائي وبناتى الى كل الشباب والشابات
أهدى لهم هذا العمل
ولدى الجدع
أرفع راسك و أصلب طولك
و دوس على الوجع
وكل ما تعثرت شد حيلك
وارجع ااقف بعد ماتقع
خليك جدع مهما الحمل
زاد عليك أو الهم اتسع
وواجه مخاطر الحياه
وأصمد مهما الموج أرتفع
أشقى وكل لقمتك بعرق
جبينك عمر الكد ماوجع
أياك تمد أيديك مده الأيد
يا ولدى بتكسر الجدع
كل عيش وملح وبلاه
الحرام من كله عمره ماشبع
وقولى يا حيلى من أعتمد
على نفسه علا وأرتفع
اياك تسلم امرك لغيرك من
اتكل على غيره ذل وقع
خليك صبور وأعرف أمتى
تتكلم وامتى تبقى مستمع
وأبقى حويط وأريب واعقلها
قبل متغلط أو تندفع
أحفظ مقام الكبير و أبقى
متواضع الناس بك تنتفع
وأوعى الغرور ما طار طيرا
وأرتفع الا كما طار وقع
والكدب خيبه أيا كان السبب
قول الحقيقه أو أمتنع
أبن الاصول الجدع رافع راسه
عمره مانذل ولا ركع
ده الجدع المفتخر آمال أقول
أزاى عليك أنك جدع
الشاعر / عبد المنعم حمدي رضوان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.