عيون الفجر . بقلم / احمد شاهين
عيون الفجر مطروفه
ولسه الضلمه ماليا الكون
يقيس الضى فى بروفه
يقول ضيق و مش مضمون
يا طول الليل على السهران
يا طول الوحده ع الحيران
يا ليل قاسى مالكش أمان
يا انت تكون يا اما اكون
وعمر النور ما هيفارق
عيون الناس
وعمر الحق ما يفارق
ضمير الناس
صحيح منهم شوية ناس
ما بين سجان وبين مسجون
لكن طبع الحياه هو
ما بين الضعف والقوه
ما يين ضحكه ودمع عيون
وعمرى ما اصدق ان الفجر
يقول مش جاى عشان الغدر
دا ربنا ذكره ليلة القدر
ودا بأيده اله الكون
عيون الفجر مطروفه
لكن من دعكه بتفتح
كمان قادره هناك تلمح
فى قلب الكون قلوب وعيون
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.