(وصايا الخال 6
تااابع )
ليك وحشة ياخال حمد الله على السلامة
بحبك ياخال حب من قلبى
ضحك الخال وقاااال
حب اية اللي البشر بتحكى علية
قولى مين حب مين خاف علية
لما الحبيب يخدع حبيبة يبقى اية
من المواجع سهرة وسهر عينية
حب ومشاعر وما ملك وهب إلية
كل اللي نالة تم هدم جدار بانية
قلب باع قلب بكنوز الدنيا شارية
أتارى الحبيب للحبيب بالكلام كان غارية
وللبكاء وعد النجوم كان كارية
شوق وهجر بالسهام كان كاوية
على حد علمى لو ليا حب
أخاف علية
فى زمن تم الحب غريب علية
قولى مين حب مين كحل عنية
بفرحة دايمة وحب دام إنسر بية
فى البدايةللحب كلة ملهوف علية
وفى النهاية مرار وغدر الكأس ساقية
جروح وتدمي ومين لمين جرحة يداوية
كفاية ياخال
يابنى أنا لسة قولت اية
لا ياخال أنت كدا جاير علية
ههههههههه هههههههه
طاب قولى يابنى
قول ياخال اقولك اية
الولاد مين لوالدة خاف علية
أما ألأباء عمر إبنة ماهان علية
ظهر إنقطم من الشقا يربي فية
ووقت الحصاد إللى جناة دموع عينية
كبر وعلم والشقا شقق إيدية
كان أملة ف إبنة لما يكبر
وقتها ياخد بإيدية
الامل خاب وإنعمى م الفكر فية
فى النهاية كل وعاء
نضحة بما فية
إزاى أبو عمة موسخة
وإيد كبيرة مشققة تنباس إيدية
مين اللى قال رضا ابوة فرض علية
لية هو أبويا فى الأساس
عملي اية
لولا الملامة الولد كان داس علية
لكن المصيبة إنة إسم لزقنى فية
لما كبر تم أبوة عار علية
اللى مالة خير فى أهلة
أنت عايز منة اية
حب اية اللى البشر تحكي علية
لو قابلت الحب صدفة
من بعيد إبقى سلملي علية
كفياك ياخال
بقلمى نبيل عبد الحليم
8/8/2020
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.