مهما طال العمر قصير
اياك تبعد وبلاش تقصير
رحله وآخرتها الموت
خليك على فعلك بصير
وبلاش اى كلمه تضايقك
او على قلبك لها تاثير
عيش الدنيا بقلب طيب
وخلي لنفسك خط سير
اياك عنه مرة تحود
والشيطان يغويك ويسير
خلى شيطانك دايما ساكت
ولاتسمعله اى صفير
خليك كده حقانى وطيب
وللاخلاق الحسنه سفير
والكلمه الحلوه على لسانك
تقولها لله او الغير
وتخاف دايما على حرماتك
دايما كده على اهلك وتغير
ياتقول كلمة حق ياتسكت
ويكون عندك اخلاق وضمير
وتدعى دايما كده فى صلاتك
وتطلب من ربك بضمير
هو راح يسمع دعواتك
ويحفظها بدون تأخير
اصله نعمه كتيره علينا
وهو عنده منها كتير
ياللى جيت على نفسك مره
مابلاش تيجى عليها كتير
ارحم نفسك خلى عواطفك
مايكونشي لها عليك تأثير
خلى صلاتك مع دعواتك
من قلبك لرب كبير
وادعى وقول يارب عنى
انا ذنبى يارب عسير
اغفرلى وسامحني وامحى
كل ذنوبى ده انت غفور
# راوية حسن #
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.