( غدار ) :
غدار وغدره ف نن عينيه
جاني ف يوم والشر ماليه
نسي اللي كان بيني وبينه
قليل الأصل ما يطمر فيه
خلع توب الحيا ورماه
ولحم كتافه من خيري
نسي اما كان بيقول الآه
ما كان بيلقى ونيس غيري
فضل يقول ويعيد ويزيد
عشان ترابيزتي بقت فاضية
نسي اما كان بيمد الإيد
وايدي كات بالخير بادية
ياما كان بيحكيلي ويشكي
وكنت بسمع له وبواسيه
ولما كان بدموعه يبكي
من رزق ربي انا كنت اديه
ما طمرشي فيه عيشي وملحي
ولا افتكر حتى ملامحي
أصل الخيانة دي من طبعه
ما نابني منه غير جرحي
ياللي نويت صحبة وأحباب
قبل ما تصاحب حاسب
ده الندل لو دق ف يوم باب
تخسر في ايده المكاسب
بقلمي الشاعر جمال زكي عينر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.