بلدى
عبدالمنعم عدلى..مصر
البلدى دى بلدى
والولد ده ولدى
واقف بعيد
شايل سلاحه
وقوته من حديد
عابد ربه
وعارف إن كفنه علمه
وعلم بلادى
بيرفرعلى الصارى
وينادى ويقول
قوم يامصرى
قوم ياولدى
أرضك بتناديلك
وحصى الرمل بيقول
لونى أحمر
قاتم وفاجع
وكأنه كلمة فى
وإتحشرجت فى الحنجرة
وبتقول ياولدى
نفض التراب
وخذ الصولجان
وهات لى رؤوس الطغيان
وخذ بتار أخوك
وإبن عمك وأبوك
وإن كنت نسيت
روح ميدان المنسى
فى بلدى
وإنت تعرف
كم شهيد ضحى
بحياته وولده
لأجل ماتعيش
فى سعادة
إنت والباقيين
وتعرف
إن البلد دى بلدى
والدم ده
دم ولدى
بقلمى عبدالمنعم عدلى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.