أول نظره
ياسلام لو ترجع أول ابتسامه
ظهرت على وجه الإنسانيه
من قبل ماتتلوث بنار الحقد والعنصريه
ومن قبل قابيل مايقتل هابيل والقصه ديه
ومن قبل ماالقلوب تشيل من بعضها
وتتمرمغ الأقدام في أوحال الأنانيه
ومن قبل اختراع اسمه السلاح
وشيطان اسمه البارود
بيدمر أشكال الجمال في كل ثانيه
وترجع أول نظره للإنسان على الكون
نظرة التعظيم والإجلال لصاحب كن فيكون
وترجع الإنسانيه الشريفه
اللي ماتلوستش إديها بأي أذيه
ساعتها هتلاقى الدنيا من غير ناس
اللي جم علشان يعمروا بأمر الله
فنسيوا الهدف واختلفوا مع بعضهم
وبإديهم بيقضوا على نفسهم
ومن غير إحساس
وعبدوا من دون اللي خلقهم
عبدوا الشيطان الوسواس الخناس ...
أسامه عبد القادر أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.