( قسمآ بنبينا الزين ) بقلم الشاعر .. محمد البريمى

شعر غنائى ..

((( قسمآ بنبينا الزين )))

قسمآ بنبينا الزين .. إسمك غالى يا حنان ..

و أغلى من نور العين .. و أغلى من نفسى كمان ..

كل م بأشوفك بأفرح .. و أنسى الدنيا و أسرح .. ..

و أضرب و أجمع و أطرح .. و أحس إن أنا إنسان ..

قسمآ بنبينا الزين..

أنا إنكتبلى عمر جديد .. أنس و فرحه و بهجه و عيد ..

كانوا غايبين عنى سنين .. رجعوا تانى جديد ف جديد ..

و آهى الدنيا ضحتكلى .. بعد الحظ م ندهلى ..

و شاور عليا و قالى .. اللى جى أحلى أكيد ..

قسمآ بنبينا الزين ..

إفرح يا قلبى و إتهنى .. لك نصيب ف الجنه ..

بدل القمر قمرين .. قمر يروح و قمر يستنى ..

و الحبايب مع الضيوف .. بتصقف على الكفوف ..

و القمر قاعد مكسوف .. و إحنا نقول عقبالنا ..

قسمآ بنبينا الزين ..

بقلم الشاعر ..

محمد البريمى ..