(.المسحراتي) كلمات /صبري حسين
( ٩)
مسحراتي
كان نفسي اغني
واضرب على طبلي
لكن حاسس بمرارة
من اللي حصل قلبي وجعني
حزين على شهداء بلدي
عبوة ناشفة في موعد الافطار
تولع في عربية الابطال النار
فعل ندل جبان
اللي قام به شيطان
لايمكن ينتمي لبنى الانسان
نفسي تظهر وتبان
تتعامل رجل لرجل
لكنك خسيس جبان
بتعمل مليون حساب للابطال
دايما بتظهر ورا قناع
يا كلب يا حقير
لو اشتسهد كل يوم الف
عمرك ما هتقدر تشق الصف
كل المصرين ايد واحدة
كلنا في خندق واحد
على قلب رجل واحد
ما نخشى غير الواحد الاحد
مصر دي عظيمة
عارف يا ابن اللئيمة
انا والله مستغرب
ازاي جالك قلب
تقتل أبطال بيأدوا واجبهم
متغربين عن بيوتهم
سايبين أهلهم وحبايبهم
مضحين براحتهم
علشانك وعلشاني
بيشتغلوا في أصعب الظروف
لايهمهم شتا ولاصيف
بيواصلو الليل بالنهار
بيدفعوا عن العرض والمال
فوق كتافهم حمل اتقل من الجبال
كل واحد فيهم بيحلم ببكره
مخطط لما ينزل بكره اجازة
اللي هيخرج مع خطيبته
فيهم اللي امه مستنيه تفطر معاه
ماتزعيش يا امي
ابنك هيفطر في الجنة
خلاص نال الشهادة
زعرطي يا ام الشهيد
ابنك وزمايله قدموا روحهم
فدا للاوطان
بدمهم روا شجر الامان
بكرة ننتصر على الشيطان
كلنا نعيش الاطمئنان
مسحراتي
بنعي شهداء بلادي
بلادي بلادي
لك حبي وفؤادي
ياللي بحاول تصنف
ده مسلم وده مسبحي
لآخر لحظة ايد المسلم في ايد المسيحي
الغدر ما فرق بنا
الارض ارتوت بدمنا كلنا
تعالي عرفني
مكان دم المسلم ومكان دم المسيحي
كفاية كلام
احنا هنفضل أخوة واحباب
قلب واحد
رجل واحد
مصير واحد
كلنا مصرين
مسحين ومسلمين
مسحراني
بصرخ بأعلى صوتي
تحيا مصر
النصر لمصر
مسحراتي
ببكي اخواتي واولادي
شهداء الوطن
الي جنة الخلد يا ابطال
ده وعد الواحد القهار
لا تحسبن الذين قتلوا في سبيل الله اموات
بل أحياء عند ربهم يرزقون
صدق الله العظيم
مسحراتي
بدعو من قلبي
ربنا ينصرك يا بلدي
كل سنة وانتم طيبين
رمضان كريم
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.