شعر عامي
مش عارف ليه لما أفكر بالي يتعكر
من اللي خان واللي ظلم واللي اتنكر
والاقي دموعي بتجرح خدودي
والدنيا واسعة قدامي مش عارف حدودي
والحزن ياخدني ويوديني
وبميت طية يطويني
ونار المرار ليها شرار قايده فيه
وأعد الأيام وهي رايحه وجايه
وأصرخ وأقول اااااه لا حد سامع ولا حد رد
وأنا اللي بتمايل م الوجع وأنا لوحدي بتهد
دنيا غريبة فيها ناس طيبة وناس شقيه
وناس زي العقارب وناس رديه
وناس زي الملايكة وناس القرب منها هلاك
وناس بتاخد بإيدك وناس بتذم في قفاك
يا دنيا انتي دايما حالك على طول كدا
فيكي الحلو والمر وفيكي الخيانة وفيكي العدا
إبراهيم أمين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.