الربيع
الورد دبلان على الأغصان
واشجاره بتئن بيسأل عن
العشاق عن الأشواق ..عن
عن الطيور اللى المستخبية
الورد لينا اشتاق ...ومستنينا
من الفجرية علشان يشوفنا
متذوقين وجايين ف الصبحيه
والدنيا اللى نايمة من المغربية
النهاردة غير كل الايام
النهاردة دابت الالام
القلوب اصبحت صافية
حقيقي ودا مش احلام
كل حروفي النهاردة ورود
على كل خد هنحط حرف
النهاردة مفيش بينا حدود
يلا نفرح وفي الدنيا نلف
تعالي شوفي الوردة ديه
يلا نعيش ياروحي شويه
تعبت قلوبنا من الحنين
عايز اشوف فيكى حنيًة
امسكي ايدي وهاتى ايدك
حبي خلاص وصل وريدك
وانتي حبك بيجري بدمي
النهاردة ياحبيبتي عيدك
تعالى نجري وسط الزهور
يلا نسمع سوا الطيور
عايزين نفرح فرحة كبيرة
خلى عازولنا عنا يغور
الربيع بيضحك لينا
وبيميًل اغصانه علينا
اقطفي واحدة من ازهاره
وهدي شويه من خطاوينا
هليت ياربيع فرحت الناس
ومن عبيرك اديتهم كاس
شربوا منه وفرحوا بيك
والود بينهم كله اخلاص
-----------
بقلمي/ رمضان عبدالله أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.