(المسحراتي) كلمات/صبري حسين
( ٤)
مسحراتي
بضرب على طبلي
بدندن وانا ماشي
دندنة كلها آنين
قلبي حزين
من اللي بيحصل من البني آدمين
ده احنا فوقنا الشياطين
معقولة اللي بيحصل ده
شوية مجانين
مايعرفوش حياء ولادين
استغلوا النت اسؤا استغلال
كل همهم الشهرة والمال
لافارق معاهم حرام من حلال
برامج التوك توك
خلت عقلي يفك
رفعت عندي ضغط الدم
بنات منتهي المياصة
ولاد كلهم خلاعة
كلام كله فاضي
ألفاظ غريبة علينا
لو حبيت تركز
بالتأكيد هتهيص
ظاهرة بقت منتشرة
بنات على ولاد
كله قالع قصاد الكاميرا
كل حاجة عندهم مباحة
المهم تزيد نسبة المشاهدة
بتصور على السرير
لابسه لبس حرير
مخلي الجسم كله ظاهر
ماهم بيلعبوا على الغرائز
مات جواهم الضمير
والله الموضوع خطير
بنات على اولاد
مافي خشي ولا حياء
ازاي وصلنا لكدة
فين رقابة البيت
راحت فين القدوة
العجيب ان الاب والام موافقين
الظاهر لا مؤاخذة ركبوا قرنين
حرام والله حرام
نوصل لده الحال
المشكلة كبيرة
القضية خطيرة
لو فضلنا دافنين راسنا في الرمال
هضيع كل الاجيال
ياكل المسؤلين
اولياء أمور ومعلمين
يا كل رجال الدين
الحقوا طفوا النار
انقذوا المجتمع من الانهيار
اتكاتفوا مع بعض
اعملوا لكل حاجة حد
كلكم رعاه
كلكم مسؤلين امام الله
لازم يكون لكم دور
علموا ثقفوا
عرفهوم ان المال والشهرة
ليها طرق مشروعة
قنوات الإبداع الحقيقي مفتوحة
المهم يكون عندك اصرار
ازاي تعرف تختار
تكون انسان حر
إياك ترضى تكون عبد لدرهم او دينار
الكرامة هي الباقية
يا كل الامهات علموا بناتكم الاحتشام
عرفوهم ان الحشمة تاج المراة
علموهم الفرق بين الحلال والحرام
فهموهم ان المال موش،كل حاجة
الشرف أغلى من كل الاموال
يارب يوصل الكلام
لكم مني كل احترام
ببركة شهر الصيام
يارب نصحى من النوم
قبل ما يفوت الاوان
كل سنة وانتم طيبين
رمضان كريم
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.