رساله وعلامه
ياللى بتلوموا الكورونا
طيب رجعوا نفسكم
سبتوا كل نهجكم
والغيى شتت شملكم
والكراسى هيه همكم
يا للى بتلوموا الكورونا
الظلم بينا مشاع
والعدل بينكم قناع
والغصب فينا متاح
وبقينا فى زمن خداع
ياللى بتلوموا الكورونا
لما نسينا طعم السجود
وسيره كل الجدود
وبقينا فى حاله جحود
والدنيا شفناها خلود
كان لازم أفعالنا تعود
ياللى بتلوموا الكرونا
شفتوا بلاد الحرم
خلوها مثل الهرم
أغانى ورقص بكرم
أفسدوها شويه رمم
كان لازم تيجى الحمم
ياللى بتلوموا الكرونا
طيب لوموا نفسكم
تعليمنا بقى فى السناترات
والمدارس للدوسيهات
والمرضى فى العيادات
والزواحف فى المستشفيات
وضمير الكل مات
سائق .حتى تاجر خضروات
لازم تدفع من سكات
ياللى بتلوموا الكورونا
لما القوه تفرض مكانه
والكل ساكت بإستكانه
عن ضعف وقله أمانه
ويتمنى لنفسه السلامه
مش كورونا تبقى علامه
ياللى بتلوما الكورونا
دى أوامر ربكم
وبيعاقبكم بفعلكم
يقدر يمحوا ذكركم
لازم تراجعوا نفسكم
علشان تصالحوا ربكم
بقلم كابتن سعيد الحاجه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.