_______ رصيف النسيان ________
خليني علي رصيف النسيان
أفضل ما أعيش جواك ذكره
الأيام الحلوه ليها عنوان
وعيشتك كلها كانت مره
ما دوقتش فيها إلا الحرمان
وكان إمبارح هو هو بكره
خلاص صفحتك ف الكتمان
ومش حقولها مهما يجري
ياما بتنسي الأيام والزمان
ومتحاولش معايا أي مره
خليني علي رصيف النسيان
وشوف غيري في دنيا أخري
ورودي دبلت علي الأغصان
وأوراق الشجر ماتت منتحره
حتي العطش غرق البستان
وحرمته السما من المطره
خلاص النهاية أتكتبت بكل الألوان
وحكايتك لكل العشاق بقت عبرة
.......... حسن الشوان ................
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.