الحب و المال ( 149) بقلم .. صبري رسلان

الحب و المال ( 149)

.....................

تسمحي 

إني أسألك ..

ليه تيجي منك ..

طفيت شموع ياما قيدتها 

و بقصد منك ..

جوايا قاللي أمنعك 

وباعدني عنك ...

هديت في حلم ما أكتمل 

وبنيت سدود ساجنه الأمل 

بقى كله منك ..

غيرت ليه وش الملاك 

وش الأمل يا أم البنات 

بانت حقيقته طوق هلاك 

وده غصب عنك ...

تقسي لسنين وسامحنا ياما

عشان نعيش ..

وفى كل مره تبكي فينا 

وما تداريش ...

فرقت ليه قلبين بيستنوا النهار 

راسمين طريق كان حلمهم

يجمعها دار ...

فرمان بعاد وكسر خاطر 

لأجل مين .. 

لاجل الغرور وتقول انا 

فرقت بين سعد و هنا 

إزاى يأخدها مني أنا 

إنسان فقير ... 

شاريها يدفع مهرها زى فلانه 

وزى بنت عمها وبدون ملامه 

شقه لأول فرحتي 5 أوض 

وصاله أد مطرحين لو جالكو حد 

وده غير المطبخ وخلافه وألخ ألخ 

وكمان يا سيدي قبل ما انسى 

طخخخخخ طخخخخخخ طخخخخ 

وافقت يا أبني مرحبا يعلا الجواب 

وهجيب منين كل ده 

ده انا شعري شاب 

من قاعده واحده 

إتصدمت وحظي خاب ..

لا بكتر مال ييجي الهنا 

وإرتاح يا بال 

وفين يروح إحساس جنى 

على بخت مال ...

الحب عمرة ما يشترى 

على أي حال ...

بصي لسعاده بنتنا 

باركي الوصال ..

خليها جانبك عانسه 

ما العمر زاد ..

وحظوظها قلت مين يشيل 

غلطه عناد ..

خدوهم فقرا يغنيهم رب العباد

بقلم .. صبري رسلان