( وضاعت منا ليالينا ) :......... الشاعر جمال زكي عينر

( وضاعت منا ليالينا ) :

وحتى الليل غلب فينا
وضاعت منا ليالينا
وتاه الفكر والافكار
وهربت منا خطاوينا

لا انا للحزن قادر انسى
ولا عارف لفين ارسى
ولا لاقى هنا مينا
ولا شايف هناك مرسى

دموعى م البكا جفت
وقلبى م الهموم حيران
وعينى م الشكوك رفت
ما بين الذكرى والنسيان

حاولت كتير انام الليل
واداوى همومى بالنسيان
لقيت النوم جفا عيونى
طب اعمل ايه مانا انسان

لامتى حعيش كده ف حيرتي ؟
مانش عارف اداوي جراح
لا انا عارف سبب حيرتي
ولا عارف اعيش مرتاح

الهى يا اله الكون
يا عالم بى و دارى بى
بتشفى العله مهما تكون
حبيبى انت وطبيبى

داوينى يارب م الأحزان
وحوش عنى الهموم والكرب
ونفسى يوم اعيش فرحان
واضحك ضحكة يوم م القلب

بقلمي الشاعر جمال زكي عينر