***ياروح الروح***/سامح العزب

***ياروح الروح***
ومهمي تخبي وتداري عنيكي تبوح بأسرارك

وذنبي إيه دأنا عاشق عيوني
تكون نعيم دارك

بحب أسهر مع القمره وأحب الشمس في نهارك

أنا مجنون بتفاصيلك أغني وأقول مواويلك
لو شطي أنا نيلك
ولو نجمه أناديلك
بلحن جميل أغنيلك
وأبيع عمري في مشوارك

ياروح الروح يا بسكوته
حروف وفي قلبي منحوتة
ومربوطه بشريانك
ودمي بيجري في دمك
ونفسه يدوب في أحضانك

أفتح عيني في العتمة أشوف النور في ألوانك
وأمد إديا للنسمة ألاقي النسمة رايحالك

أبوس الورد في البساتين ألاقي عبيره في جمالك

و من ضيك نسيج الشمس
لنبضاتي يغني بهمس

بنغمة رقيقة وصلالي ووصلالك

ومهمي تخبي وتداري عنيكي تبوح بأسرارك
...

كلمات/سامح العزب