...........( قوللي ياقلبي )..............
قوللي ياقلبي... أعمِلَّك ايه
.................ليه دي الوقتي ..بتبكي عليه
........................وعمال تشكي .. غرامه ليه
ياما نصحتك... تبقي ف حالك
........................وتنسي اوهامك.. ويآ خيالك
كتير حذرتك...واترجيتك
...................وانت تقوللي ...دا ملوش غيرك
سنين بتحبه... ودايب فيه
....................وتقول غالي ....وبعمري شاريه
وان زعلني ....مقدرش انساه
...........................أصله حبيبي...وانا بتمناه
""""""""""""""""""""""""""""""""""""""""""""""""""""""""
قوللي يا قلبي ...وانا اعمل ايه
....................بعد ما كُلي ...اتعلق بيه
..........................واسأل مين... يطمني عليه
كنت في حالي... ومرتاح بالي
......................ولمين اشكي.... م اللي جرالي
مش ده حبيبك.. اللي وفيتله
..........................ودايماً اقولك... يالا نقوله
عن احساسك... لما قابلته
...............وتقول طيفه.. ياما انا شوفته
.......................وكنت تقوللي...كفايه صورته
بكره غرامي ...يروح يوصفله
...............عن احوالي ..وغرامي وحبُه
..................واللي انا حاسه ....اكيد بيحسُه
""""""""""""""""""""""""""""""""""""""""""""""""""""""""
طب دى الوقتي.. ايه اخبارك
......................وهتعمل ايه.. في اللي جرالك
ومين يرحمني ..ويرحم حالك
............................لما حبيبك...اختار جارك
وسنين عمره... هيبقي قصادك
......................وتشوف غيرك ...مع احبابك
غلطه ياقلبي... وده كان ذنبك
................كنت تقوله...إني بحبك
.......................واوعي تلومه...لو يوم قابلك
ما انت ما بوحتش..يوم بغرامك
..........................يبقي ازاي .ها تكره جارك
"""""""""""""""""""""""""""""""""""""""""""""""""""'"""''
وانت ياقلبي. ليه تعذبني
......................وليه بتقوللي ..حبيبك سابني
وكفايه عليا ...اشوفه متهني
...............................ولما يفرح.. ها يفرحني
قدر وانكتب... علينا ياقلبي
.............................سنين بنحبه ..وكنا نخبي
عمري ما اطاوعك.. لو حبيت تاني
.......................وكفايه صورته.. بين احضاني
وربي يصبرني.. علي ليالي فراقه
.......................واشوفه متهني... ويآ أحبابه.
""""""""""""""""""""""""""""""""""""""""""""""""'""'"'''''''
خواطر ( اشرف الدغيدي )
حقوق الملكيه محفوظه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.