ضيعت حبى
------------------
فاكرك جاي تسأل عليا
اتاريك بتسأل على حالك
ولا فارقه معاك الدموع
ولا السهاد شاغل بالك .
يعني همك نفسك بس
دا انا قولت يمكن حس
و بكدًب دايما قلبي
اللي ياما جواه شالك
انت وقلبك متغيرتش
زي مانت وانا مفهمتش
هنساك وانسى حبك
مدام بعادي بيحلالك
بعنادك ضيعت حبي
والكبر كان ليه دور
لاعملت حساب لقربي
ولا طيفى لما جالك
قلبك حقيقي حيرني
وعنادك ياما سهرني
وانا اللي كنت بحلم
احقق في يوم ٱمالك
----------
بقلمي/ رمضان عبد الله أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.