يجوز شيفاني بعيونك
أنا أخر بشر ع الأرض
رحيق المسك جوة الورد
ونسمة صهد تتخفي
ما بين الغيمة والأعصار
تكون عونك بفصل البرد
ولما تحركي شفاهك
أكون فيها الهجاء والسرد
ولو مر الهوا جارك
عصف شال من على راسك
كشف منك يدوب شعرة
أكون سترك..ليوم العرض
أنا أخر بشر ع الأرض
رحيق المسك جوة الورد
ونسمة صهد تتخفي
ما بين الغيمة والأعصار
تكون عونك بفصل البرد
ولما تحركي شفاهك
أكون فيها الهجاء والسرد
ولو مر الهوا جارك
عصف شال من على راسك
كشف منك يدوب شعرة
أكون سترك..ليوم العرض
برغم دا كله منفعكيش
ولو طرح الهوا فدادين
حصاد طرحه ما هيكفيش
لا انا عنتر، ولا شمشون،
ولا فتوة كما الناجي
ولا أهلي من الحرافيش
قانون العشق دلوقتي
مهوش باليد والنبوت
قانون العشق حيلتك كام
وانا ياخسارة حيلتي مفيش
ولو طرح الهوا فدادين
حصاد طرحه ما هيكفيش
لا انا عنتر، ولا شمشون،
ولا فتوة كما الناجي
ولا أهلي من الحرافيش
قانون العشق دلوقتي
مهوش باليد والنبوت
قانون العشق حيلتك كام
وانا ياخسارة حيلتي مفيش
هحبك شهر والتاني
ولو زادت هيصبح عام
وهصحي بصوتك الدافي
وهتمسي عليه وهنام
وأخرتها هنتفارق
فى يوم ما تقولي مهرك كام
عشان مهرك بحسبة مال
وانا ..... ما املكش
ولو مهرك بعير وجمال
أكيد ..... ما املكش
ولو رخصتي مهرك كبش
فغصبن عني سامحيني
عشان حتي الرخيص ما املكش
ومغصوب قلبي ع الفرقة
أنا قبل التاريخ عاشقك
يمر عليا مليون عام
وقلبي يوماتي بيغازلك
ويكتب فيكي نهر كلام
ما انا يدي أخرها الشعر
لكن وصلك بيلزم سعر
ولو زادت هيصبح عام
وهصحي بصوتك الدافي
وهتمسي عليه وهنام
وأخرتها هنتفارق
فى يوم ما تقولي مهرك كام
عشان مهرك بحسبة مال
وانا ..... ما املكش
ولو مهرك بعير وجمال
أكيد ..... ما املكش
ولو رخصتي مهرك كبش
فغصبن عني سامحيني
عشان حتي الرخيص ما املكش
ومغصوب قلبي ع الفرقة
أنا قبل التاريخ عاشقك
يمر عليا مليون عام
وقلبي يوماتي بيغازلك
ويكتب فيكي نهر كلام
ما انا يدي أخرها الشعر
لكن وصلك بيلزم سعر
أميرة وف الغرام هايمة
عيونك م السهر نايمة
لكن لو مرة هتشوفي
هتفهمي ليه زايد خوفي
أكيد حبك عشان يكمل
هينقص حتة م القايمة
وينقص حبة من عمرك
وينقص وقت من شهرك
وكل ما تفقدي حاجة
تزيدلك حاجة فوق قهرك
عشان متنازلة عن زادك
ومختارة الغرام مهرك
عيونك م السهر نايمة
لكن لو مرة هتشوفي
هتفهمي ليه زايد خوفي
أكيد حبك عشان يكمل
هينقص حتة م القايمة
وينقص حبة من عمرك
وينقص وقت من شهرك
وكل ما تفقدي حاجة
تزيدلك حاجة فوق قهرك
عشان متنازلة عن زادك
ومختارة الغرام مهرك
لكن قلبي اللي حبك جد
رفض حبك وما بيسمحش
تعيشي ربيعك الطارح
مصمم قلبي ما يسامح
يسيبك بين أيادي الوحش
عشان الفقر غول جامح
ما بيحنش ولا بيطيب
ولا بيرحم هوان لحبيب
وما بيغفرش ويسامح
رفض حبك وما بيسمحش
تعيشي ربيعك الطارح
مصمم قلبي ما يسامح
يسيبك بين أيادي الوحش
عشان الفقر غول جامح
ما بيحنش ولا بيطيب
ولا بيرحم هوان لحبيب
وما بيغفرش ويسامح
يافاكرة هوانا شئ كافي
ياريت تهتمي وتخافي
عشان لو مرة عديتي
على جمر وحصا وأزاز
وماسكة بكتفي يحميكي
قوليلي أزاي هعديكي
وانا ماشي الطريق حافي
ياريت تهتمي وتخافي
شوفيلك حد يشبهلك
تعيشي الفرحة وبمهلك
وسيبك من غرام طايش
عشقتيه بس من جهلك
ولو على قلبي ما يهمك
أكيد بعدك هكون مرتاح
وقيمي العرس والأفراح
وبترجاكي سامحيني
عشان حضني اللي ضمك يوم
دى أخر مرة هيضمك
ياريت تنسيني لو ذكرى
عشان ترتاحي من غمك
.....A.....S.....
#ابن_الملاح
ياريت تهتمي وتخافي
عشان لو مرة عديتي
على جمر وحصا وأزاز
وماسكة بكتفي يحميكي
قوليلي أزاي هعديكي
وانا ماشي الطريق حافي
ياريت تهتمي وتخافي
شوفيلك حد يشبهلك
تعيشي الفرحة وبمهلك
وسيبك من غرام طايش
عشقتيه بس من جهلك
ولو على قلبي ما يهمك
أكيد بعدك هكون مرتاح
وقيمي العرس والأفراح
وبترجاكي سامحيني
عشان حضني اللي ضمك يوم
دى أخر مرة هيضمك
ياريت تنسيني لو ذكرى
عشان ترتاحي من غمك
.....A.....S.....
#ابن_الملاح
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.