أغنيه♪ رسائل قلب ♪
كتب قلبى ياقلبى عليك أنشوده بتحكى عنك
كتبها بحروف من نور مكتوبه بإسمك
بيحكيها قلبى عن لهفة وشوق لما يشوف صورتك
ياأجمل كلمه فى كلامى عزفتها لحن فأشعارى
كان أجمل إحساس إحساسى يوم ماعشقتك
كانت أجمل فرحة فرحتها وأنت بتقول لى أحبك
كنت بفرح وأفرح لما الناس تجيب سيرتك
كنت بفرح لما تتكلم وأسمع صوتك بينادينى
علشان صوتك ياحبيبى نبض فى قلبى بيحينى
يالى كان أسعد يوم مر عليا يوم ماعرفت بحبك ليا
كان الكون بكل ما فيه بيرقص بفرحه حواليا
كانت أجمل لمسه أول ما لمست إيديا
توهتنى وتاهت بيا بحبك يا أغلى مافيا
يالى بحبك الدنيا حبت لما شافت حلاوة حبك ليا
ياحبيبى أنت الحب والحنيه
لو غبت فى يوم عليا أياك تطول الغيبه عليا
تعالى أوام طفى نار الشوق فيا
ياقمر مسهرنى لياليا ياقلب كله حنيه
حبيتك وهاحبك وهاشيلاك فى عنيه
بقلمى✒. وردة السيسى 🌷
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.