غية حمام
٠٠٠٠٠٠٠٠٠٠٠٠٠
غاوي أطير حمام
وأحتار وأحير
نعومة ورقة اليمام
زى ما بتقولى كدا
بينا لغه وندا
بينا عشق وغرام
زى مابكلم روحك
ف نبض وحس حروفك
واموت واشوفك ياللي
قلب كفوفك مسكر طعم الكلام
وافتح مقبرة خوفك
وقلبى يصبح معشوقك
ويقدم دقاته قربان
يا شيخه اهجري بيوت الاحزان
عمر العشق ماكان حرام
وأسألي اليمام والحمام
ياحمام هو حرام اعشق حروف كلامها
ياحمام هو حرام انده طيف أيامها
خايف اخبط على ابوابها
تلبس تاني توب احزانها
قول يا غيتى الجميله
غرد واشجى واحكى
عن طقوس الالام
غاوي اطير حمام
وانا الطير المهاجر يا يمامه
عشقي لروحك لا حر ام
لا لا ولاعلى قلبى ملامه
وغيتي انتى وساكنه ف نيتي انتى
وف اسمى ونبضى وراسمى
وهاعشقك انتى ليوم القيامه
يا شيخه اهجرى بيوت الاحزان
عمر العشق ما كان حرام
واموت واشوفك ياللي
قلب كفوفك مسكر طعم الكلام
غاوي اطير حمام
من جنون حرفك احساسى المجنون
بيرسم صورتك
نجمه اكتر قمر اكتر اكتر
اموره ف الصوره سكر سكر
زى الفرحه مابتيجى كدا
تقتل الحزن ف القلوب المكسوره
روحك اجمل ياحمامه من الصوره
واجمل حاجه ف الايام
غاوي اطير حمام
غية حمام
على عبدالرحيم محمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.