(فينك ياضحكة) كلمات/صبري حسين
بدور على
ضحكة من القلب
ضحكة صافية
ضحكة رايقة
ضحكة خالية من الهم
لي كتير بلف وادوار
ماسبت كبير ولا صغير
ما خليت ولا مطرح
مسا وصباح
بلف وادوار
كل ما الاقي ضحكة
اجري ناحيتها
بعيني ادقق في ملامحها
مرة الاقيها ضحكة باهتة
مخبية وراها الف دمعة ودمعة
يا عالم يا هو
نفسي اسمع صوت الضحكة
الصوت اللي مليان فرحة
تعبت خلاص من صوت الأنين
صوت مكرر من زمان
فينك ياضحكة
ليه استسلمتي للتكشيرة
ليه خليتي قلوبنا حزينة
عيونا ادمنت الدموع
الكل بقى موجوع
ماشين في سكة مافيها رجوع
يا ضحكة يا صافية
فاكرة لما كنتي من القلوب خارجة
فاكرة ولا ناسية
لما كانت النفوس سوية
والقلوب كلها حنية
مافي حد كان يعرف الاذية
الكل كان بيقول اللي اعمله
بكرة يتعمل في
فاكرة لما كانت البابين مفتوحة
الجيران والأهل صحبة
الكل كان ايد واحدة
الكل عارف بعضه
لو غاب حد الكل يفتقده
تلاقي ده داخل وده خارج من عنده
دلوقتي كلنا عايشين التوهة
لا اخ بيسأل على اخوه
حتى الجار مايعرف مين جاره
الكل قافل على نفسه بابه
تسأل يقولك يا عم خلينا في حالنا
بتضحكي ياضحكة من كلامي
ما انتي اتخليتي عنا
بقالك سنين مخاصمنا
ننادي موش سماعنا
ياضحكة ارجعي تاني
الحزن سيطر علينا
عشعش على كل شئ فينا
بالله عليكي يا ضحكة الحقينا
خلاص نشفت دموع عيونا
ياضحكة
قلوبنا مقهورة
نفوسنا َ مكسورة
السواد لف كل ايامنا
انقطعت كل حبال احلامنا
طارت لبعيد طيور امانينا
مافي حد بيسأل فينا
انتي اخر مالينا
ارجعي خلي نفوسنا
ترجع تاني لينا
خلينا نحس ببعضينا
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.