دنيا وناس
دنيا وماشية بالعافية
قلوب خاينة قلوب صافية
ناس تعيش وتتلون
وناس تفضل كماهية
ناس عايشة ومكسورة
وناس تظلم ومغرورة
ناس طالعه لفوق ولفوق
وناس مش طالعة في الصورة
ناس الطيبة ملامحها
تسامح مهما تجرحها
وناس الشر واخدينه
شعارها وتاج فوق رأسها
حياتنا كلمة مش معنى
الدنيا صورة راح لونها
ايام بتحسب أعمارنا
مكتوب علينا هنعيشها
حاجات في القلب مجروحة
الروح م الهم مدبوحة
طريق الفرح ملوش سكة
وسكك الجرح مفتوحة
دنيا وماشيين خطاويها
أحزان أفراح هنقضيها
أيام بتجري باعمارنا
عديها وسيب نفسك ليها
شاعر الأغنية
علاء الخولي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.