حلمك ورق
والخيبه طايره جناح كبير
و تنادي حي عل المصير
فوق الكنايس والسلام
حبه امال شايله الحمام
اجراس فرح ماتت تغير
علي طفل شاور للسما
وشاف معاها المشكلة
يا اوم خلاص الملحمة
مبقتش تروى ارض خير
صبر الامل والمحتمل
خانه وجع والاسم ذكري
او ضحكه بانت بس فكره
هل روحنا شايفه بكره
شمس نورها من ضمير
الله واكبر باللامانه و الاذان
نادوا الصلاه وافتحو كل البيبان
فوق الجوامع قلب بياكد خبر
من قلب مؤمن أن عمرى للايمان
يا طياره ومن غير صوت
ومشهد حلم ف الملكوت
يا ام الصعب عشقك موت
مراسم حزن جوه البير
سمعت الشكوه يا ربي
يا ناس مخنوقة من نفسي
حيطان تبكي علي قلبي
علي الدنيا مساء الخير
جناحك ذل وموااجع
رسمت طريق علي الواجع
يا فرحة رموشها في الطالع
علي رقص الحياه والسير
سجدت والضحي حلمي
اشوف الحق ف قضيه
قلوب مش شبهي أو رسمي
بدعوه روحي منسيه
حبات قصيد
لكن تاكيد
حروف العطف منسيه
و يمكن قافية التجديد
حياه في قصيده محميه
علي البراويز
وممنوعه تعيش هيه
بغير الحزن والتجاعيد
وداع جواكي يا صبيه
بيجرح ف الجراح ويزيد
ساميه علي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.