شارع الحبايب
اخدنى الهوى مره / لشارع الحبايب
لقيت ابو العيون سمره / قلبى صبح دايب
شفايف كأنها خمره / تجعل شعر الوليد شايب
نفسى ولو نظره / اشوف فيها العجايب
القلب داب فى رقتها / ونسيت نفسى لحلاوتها
يميل قلبى فى مشيتها / تدوب روحى لغمزتها
يا اهل الحى دلونى / دى اخدت روحى وعيونى
وذاد الوجد فى شجونى / ياخوفى عيونها ينسونى
اهيم سواح فى وسط الليل / اناجى النجم والقمره
وانا تايه ومالى دليل / ونار فى القلب كالجمره
ياخدنى الشوق مع المواويل / وكل جوارحى منكسره
الاقى قلبى بيقولى / دى هى قمرتى وضلى
وهى فى الهوى خلى / ولو فى العالى تنزلى
اقول ياقلبى ايه الحل / وجودها تانى ده مش سهل
وليه النبض فيك اختل / اعود واسهر وحيد فى الطل
اقول يمكن تعود تانى / وتشرب فى الهوى حنانى
تحن فى يوم لعنوانى / وتبعد عنى حرمانى
وانسى معاها احزانى واعيش فرحان باقى زمانى
شعراحمد اسماعيل / شاعر العرب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.