البيت القديم،،،،،،بقلمي محمد رمضان

،،،،،،،، البيت القديم،،،،،،،،،، 
البيت القديم 
في الزمن اللي فات 
والعمر اللي عدا 
باجمل ذكريات
والناس الطيبين
وعشرة السنين
ع الخير ماتجمعين
من بعض قريبين
عند البيت القديم
بياخدنا الحنين
وتبكي عيونا انين
ع الزمن الجميل
والايام والسنين
ع الضحكه اللي ماتت
والعشره اللي هانت
ع الزمن الباهت
والطيبه اللي بارت
والصحبه اللي خانت
عند البيت القديم
كانت الافراح تسر
اليوم يساوي عمر
زمنا ده ما يسر
كل كاساته مر
الفرح فيه قهر
والشيب في عز العمر
تاهت ايام الفرح
وجبالنا هموم وجرح
وانهجر البيت القديم
مات الشوق والحنين
هاجرت اجمل سنين
والدمع مالي العين
اصبح زمن اللئيم
مليون شيطان رجيم
وقلوب ماتعرف دين
بين البشر ساكنين
سانين السكاكين
للطيبه والطيبين
وكتيروا الغادرين
بوشوش متلونين
الخاين اصبح امين
والحب مات من السنين
والرحمه مالهاش مكان
والدم رخيص وهان
والغالي يرخص يهان
وكله علي اصله بان
مغشوش ليه يازمان
عدا وفات الأوان
وهدموا البيت القديم
ودفنوا اجمل سنين
الله يعوض آمين
علي الزمن الطيب والحنين
اللي كان في البيت القديم
،،،،، البيت القديم،،،، بقلمي محمد رمضان،،،، 2/12/2019