( سمعنا يا فنان) كلمات/صبري حسين
احكي وقول يا فنان
علي الربابة سمعنا أجمل الالحان
احكي عن الفقير الغلبان
اللي نفسه في يوم يكون شبعان
احكي عن المظلوم
احكي عن أحوال الانسان
ده مهموم
ده حيران
دي صبيه بتحلم بالفرحة
ياما حلمت بالفستان والطرحة
اتقدم لها خريج جامعة
لكنه فقير كحيان
يا حول الله مربوط في الساقية
ليل ونهار ومفيش فايدة
يادوب اللي جاي حق اللقمة
لا عارف يجيب جهاز ولاشقة
ابو حبيته
كل يوم ينكد عليه
الشاب مسكين مش عارف يعمل ايه
يا عمو وحياتك اديني فرصة
انا من غير حبيتي حياتي ماتسوي
فرصة تجر وراها فرصة
والحالة مطرحها واقفة
جه ابو حببته
و رماله الشبكة
يا ابني انت من سكة واحنا من سكة
ماتت الفرحة في قلب حبيبته
تبكي بدموع حارقة
قول قول يا فنان
عن حال الانسان
الكل تعبان قرفان
عيب عليك يا زمان
نفسنا ننسى الاحزان
خلي مرة القلب فرحان
ليه مستكتر علينا الضحكة
نفسي ترضى علينا يازمان
وتعرف اننا من بني الانسان
قول قول يا فنان
متعنا كمان وكمان
سمعنا حكاية جديدة
وحياة ابوك تكون سعيدة
معقولة كل حكاويك احزان
طب احكي عن العشاق
كلمنا شوية عن الاشواق
عايزين حكاية تفرح قلوبنا
تغسلنا من همومنا
تخفف عنا مواجعنا
قول قول يا فنان
سمعنا احلى الكلام
افتح صندوق الحب والغرام
ده عاشق ده هيمان
ده بيقضي ليله سهران
دي بتناجي الليل
ده سارح في الخيال
قول قول يا فنان
سمعنا أجمل الالحان
امتى يرضى علينا الزمان
امتى نوصل للشطان
نرجع نعيش الامان
نفسي نرج زي امان
نعيش الاطمئنان
قول قول يا فنان
اعزف أجمل الالحان
اوصف لنا حال الإنسان
سمعنا يا فنان
حكاوي عن صدق الانسان
عن حب الإنسان ل اخوه الانسان
قول قول يا فنان
في الحب الامان
الحب هو الحنان
الحب الحب يا انسان
بالحب تكون انسان
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.