--------------؛
طعم الأيام
-------------؛
طعم الأيام بقى مر
وبيرخص فيها الحر
وكل يوم ... بيمر
بتعانده ... أيامه
--------؛
الدم ماعاد له عروق
والليل ماباين له شروق
وكل مادة ... اه ..بتسوء
وحاضن ف جنبه آلامه
-------؛
العشرة ليه بتهون
والصاحب ليه بيخون
احنا ف زمن .. مجنون
حاصرتنا. ... اوهامه
--------؛
الحق صاحبه يضيع
والاخ ف ثانية يبيع
والوعد ليه .. بيميع
ولا بيصدقش كلامه
---------؛
صحيح ده آخر زمن
ولا حد فيه يؤتمن
وينباع من عير تمن
من وراه ... و..قدامه
---------؛
طعم الأيام بقى مر
وبيرخص فيها الحر
وكل يوم ... بيمر
بتعانده .... أيامه
---------؛
بقلم / عادل شعبان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.