لو جم قالولك أنه مات
هتصدقي
وأنه كان
نبض شوق
وحبة حروف
حبة صور
حنين متشوق ذكريات
هتصدقي
أنه مات
وأنه زمانه راح خلاص
حلم صغير
جواه كانت ألف حاجه
حتي حرفه كان يحير
هتصدقي انه مات
هتصدقي
أنه مجرد يوم وفات
اسمعيني يا حبيبتي
وافهميني
كل حي لازم يموت
وكل حلم تحلميه
احلميه
وأبكي موتي
بس امانه
حاولي تبكيني من غير صوت
حروفي عندك
عيشي فيها
وأن زاد حنينك
احضنيها
فكريهابيا
حاولي لنسياني عوديها
وأن اشتاقت ليوم لحرفي
بنفس مشاعري اكتبيها
عارفك انك مش هتصدقي
عشان اللي أيده في النار
مش زي اللي محروق فيها
واللي حس الاشتياق
أكتر واحد ممكن يحس
يعني ايه مر الفراق
تفرق كتير دمع ينزل من اشتياق
وألف دمعة لما تنزل
في لحظه واحده من الفراق
هتصدقيني
عمر ماابليس هيبكي
لوهيبكي
يبقي أتحول في يوم ملاك
صدقيني
وافهميني
كل ماتشتاقي ليا
حسي بيا من سكات
اوعاك تعرفيهم
أنه كان شاعر ومات
قولي أي حاجه ليهم
اوهميهم أنه سافر
أنه هاجر
أنه كان طير وطاير
اوعاك يحسوا بالسكات
اوعاك مهما قالوا
تصدقي أن الشعور
في يوم جواك مات
احمدعبدالحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.