قررت أفوق !! بقلم / هدي النحاس

قررت أفوق !!!

وأعند .......وأروق 

وأسحب سفينتي

من الشروق 

وأقطع خيوط الشرنقة

.....وأَبَعد بقي 🏃‍♀️

....قررت أفوت

كانت ملامح ضحكتي 

.....جوة التابوت 

والكلمة جوايا فى قلق

خايفه لو تخرج تموت 

قررت أفوت وأزرع كياني

من جديد وأبني الفؤاد 

من بذرة بتنبت خيوط

وأبني البيوت وخلايا 

منسوجه و خطوط 

يمكن تميل جوة النفق

.....يمكن تفوت 

كل الخلايا إتجمعت 

وإتربعت خلص السكوت

وسألت نفسي كتير سؤال 

فجاوبت من نفس المكان

هي البراعم زهزهت 

......قبل الأوان 

ولا الحنان سبق الكلام 

ثورة مشاعر زلزلت 

....مفهاش رجوع

ينبوع محبه إتحولت 

صعب الخضوع 

أزاي هتروي ف جزع

...خالي من الفروع 

شوفت الأماني بتبكي

تاني من الرجوع 

.....قررت أفوق 

وأهجر ملامح سكتي 

وأشغل أمالي ومهجتي

......وأعمل فروق 

بين إللي كان والاي زمان 

....سبب حروق

وحاجات كتير متشعلقه 

.....بين الشقوق 

هَظهر محاسن سقفها

وهقول لها فين الحقوق 

وأرجع وشاور ع الورود

وأسمع ل صوت بِكر الوجود

حامل معاه كل الوعود

راكب سحاب وملجمة

ومفهمه صعب الهروب 

......قررت أنوب 

وأبعد بحلمي عن الغروب 

وأصرخ بصوتي من الشمال 

...حتي الجنوب 

أصل الهوي زي الحمام 

يطلع يزغرت فى السما 

....يرجع يتوب 

ولحد أمته أنا هستخبي 

.....من الغرام

وبلف شوقي ف سوسنه

.....خايفه الملام

فات الأوان لازم أقوم

من غير كفن ه دفن غيوم 

وضباب ملازم سكتي 

...وأنسي الهموم

هعمل مراسم إنتقال 

هَعزل وَعَيًِن بأنتظام 

قررت أحكم دنيتي 

وأعند وأروق

....قررت أفوق

.....قررت أفوق

بقلمي / هدي النحاس

#Hoda_Elnhhas