حساب
من ديوان / وطن
للشاعر/ مصطفى فريد
الليل المتعبى آلااااام
وشكاير خوف م الايام
والهم المكتوب بالجوف
بيخلى الروح من عز النوم
بتقوم مفزوعة ومزعوره
م الرهبه والخوف بتزوم
الذنب الطالح جوه النفس
خنق الصالح فينا بهمس
شيطان ملعون
محتاجة الروح تمطر تراتيل
والطمى يخضر شط الليل
بالحب تقيد كل القناديل
ساعة المرواح والقلب عليل
مانشفش هناك أبدا طريقين
بتخش الروح لحساب ملكين
تتمنى تعود والحمل تقيل
شبعت مناديل الحزن دموع
فى قلوب مساكين
انفطمت ع الاحزان دى سنين
ناسيين دا اليوم
عطشانه لصبح فى قلبه خشوع
بيهز نخيل القلب يدور
وان كان جواك القلب طهور
يحدف تمراته سبايط نور
زغاليل بتقيد القبر شموع
اللهم اجعل قبرى زهور
ولكل سؤال لجوابه حضور
اللهم تقبل من عبدك
يارب اميييين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.