جزء من قصيدة أعاصير أنثى فاتنة
حصَّنت قلبي وبنيت له قلعة حيطانها صلبه
ودفنت كل مشاعري وسط تابوت وتربة
وفضلت أبني دروع ف صدري عشان اصدك
غزيتي قلبي بنظرة واحده وراح ف شَرْبَه
دي سَيْطَرتني ، أستعمرتني بشئ محال
يخرج بثورة ومحتويني ، فرض احتلال
جيوش عيونها سهامها صايبة جِتِّتي
وما بينا كرب حروب وضرب زي السجال
لو قلت هدنه ف ايه أخدنا من السلام ؟
ده الحب طلقة بتنتظر نزع اللجام
هي الحروب ضد القلوب ازاي تتدوب
ولو ما صابت قلب عاشق هتكون حطام
ف متلوميش عاشق ف حربه ضد القلوب
شافك قَدر وعشان عينيك عشق الذنوب
فيا ام المحن قلبي اتوحل ولسه بقول
لو حبي ذنب فأنا قلبي عاصي ومش هتوب
وليد الصفتي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.