إلى أبطال غزة الصامدون
🇸🇩(غزة رمز الصمود)🇸🇩
غزة غزة غزة غزة
إنتى أشجع من تحدى
وإنتى أكتر من تأذى
ليكى فى الدنياكرامه
ليكى فى القلوب معزه
واقفه واحدك فى شجاعه
واقفه رادعه بكل عزه
غزة غزة غزة غزة
🇸🇩🇸🇩🇸🇩
الضمير فى الدنيامات
كله راضى بالسكات
والتعلب فى بلادنا فات
واحنا جنبه زى وزة
غزة غزة غزةغزة
🇸🇩🇸🇩🇸🇩
لويموت كلب ف أوربا
أوفى أمريكا وروسيا
تبأه جريمه كبيره قاسيه
أما إللى بيحصل فى غزة
شايفه الدنيا وعامله ناسيه
شيئ يخلى القلب يِدمى
حاجه فعلا مستفزه
غزة غزة غزة غزة
🇸🇩🇸🇩🇸🇩
الحصار شَد ضُلوعك
والأمل نّشف دموعك
وانتى مش راضيه بخضوعك
بالجلد صابرة وبارزه
غزة غزة غزة غزة
🇸🇩🇸🇩🇸🇩
غزة ياأم الرجوله
إنتى فى الأمجاد بسوله
صامدة تحت الطيارات
والدانات والدبابات
فى الجهاد ليكى آيات
بالتصدى وبالمبارزه
غزة غزة غزة غزة
🇸🇩🇸🇩🇸🇩
غزة ياأم الشهيد
ياراعبه قلب العنيد
أصمدى هل من مزيد
للشهادة فيكى عيد
للكرامه فيكى لذه
غزة غزة غزة غزة
🇸🇩🇸🇩🇸🇩
ترامب نقل السفارة
فى القدس ياميت خسارة
والعرب واقفين سكارى
ولا حد إتهز هَزه
غزة غزة غزة غزة
🇸🇩🇸🇩🇸🇩
بُكره عُمر الفاروق
هيجيلك وييا صلاح
وجروحك تانى تطيب
وتشوفى أحلى صباح
الشهيد فى جنة ربه
والباغى فى نار تلظى
غزة غزة غزة غزة
🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩
كلمات
شاعر الإحساس
رضا عبد الحميد
١٠/ ١١ /٢٠١٨
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.