( ليه الوفاء أيامنا دى قل ؟ ) :...بقلمى / جمال زكى عينر

( ليه الوفاء أيامنا دى قل ؟ ) :

ليه الوفاء أيامنا دى قل ؟
ليه الخيانة بقت فى الطبع ؟
بقى الخسيس يربط ويحل
كلب البرارى بيعيش دور سبع

أما زمان كان فى اخلاص
كان فى حب وكان فى ود
وكانت الناس دايما للناس
ماكانش الناس في الناس بتعض

دلوقتى بقى اللى تمد له ايدك
يغدر ببك ينسى لك الفضل
ف ارخص سوق يفرش ويبيعك
قليل النخوة قليل الاصل

هل يا ترى نتعشم يوم ؟
يصحى ضميرنا نقوم م النوم
وتبقى قلوبنا على بعضينا
ويبقى وفاءنا دايم دوم

بقلمى / جمال زكى عينر