من كلمتين قلتهم
وماكنتش أقصدهم
زعل قوام منُّهُم
وتمَلّي بيعيدهم
دناعمري مابَزَعّلٕه
وعامِلّه ألف حساب
وكل يوم بسألُه
لا يكون في قلبه عتاب
أتاريه بيحب الخصام
عشان أروح وأراضيه
وأجري أحايله قوام
إكمنّي........روحي فيه
وألاقي أهل الملام
يقولوا إتقل........عليه
جربت أسمع كلامهم
لاقيتني بشتاق إليه
ولما زادوا في.....ملامهم
أنا سيبت قلبي يجاوبهم
وقال دا تُقله..........ودلاله
دا إللي.......بيعجبني فَيه
الشاعرالغنائي/ شرف الدين فاروق أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.