مين فيكم حس الغربة
في حضن حبيب
عاش بين أهله
كسرواله قلبه
حس في عز شبابه
أنه غريب
حبك ذنب
لا والله دي كسرة قلب
حسرة قلب
ولما تحاول في يوم تفسيره
مالوش تفسير
شيء متقدر
غير قابل للتغير
قلبي اتحير
أصعب حاجه يموت إحساسك
والا صعب أنه يموت
والا صعب أنه صغير
لسه صغير علي التعكير
حبك ذنب
بس صعوبته
أنه مالوش أنه يتوب
كل ماينوي أنه يتوب
يخلص ذنب
تطرحله ذنوب
وكل ما ينسي
يوهم نفسه بشويه قسوه
يطلع حرف من وسط حروفي
يزرع خوفي
لازم ترضي بالمكتوب
تمشي بطول
او حتي بعرض
او حتي تمشي بالمقلوب
احمدعبدالحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.