أغنية
💔(إجرح)💔
اجرح يابو قلب آسى
انا خدت على الجروح
مُرك ماليلى كاسى
من ظلمك فين هاروح
💔💔💔
دايما بتجرح وانا
باتحمل الأسى
باتمنى لحظة هَنا
وللّا الحُب اتنسى
انتا قلبك أنانى
ماتمرش فيك حنانى
لوكنت انتا مكانى
تبكى ولمين تروح
💔💔💔
ايه ذنبى فى كل ده
انا مش حِمل الأساوه
الحب مش كده
ازعل بس بهداوه
حافظ على حبنا
انا وانتا لبعضنا
انتا حبيبى وانا
عاشقك بكل الروح
💔💔💔
فاكر أيام ماكنا
بنحب بعض بجد
وكان الحب بيننا
ماشافش زيه حد
راحت فين المحبه
فكر ياحبيبى حبه
الحب حبه حبه
هيمُوت من الجروح
■ ■ ■
✍《كلمات》✍
{شاعرالإحساس}
☆رضاعبدالحميد ☆
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.